Month: July 2020

ဘားအံ၊ ဇူလိုင်လ (၃၁)ရက် ၂၀၂၀ပြည့်နှစ်၊ ဇူလိုင်လ(၃၁)ရက်နေ့တွင် ကရင်ပြည် နယ်လွှတ်တော်ဥက္ကဋ္ဌဦးစောချစ်ခင်နှင့် တာ၀န်ရှိသူ များတို့သည် ကရင်ပြည်နယ်အစိုးရအဖွဲ့၏ အစီအစဥ်ဖြင့် လှိုင်းဘွဲမြို့နယ်၊ မြိုင်ကြီးငူအထူးဒေသ မြိုင်ကြီးငူဆရာတော်အား လမ်းပြုပြင်ရန် လုပ်ငန်းအတွက် အလှူငွေသွားရောက်လှူဒါန်းခဲ့ပြီး၊မြိုင်ကြီးငူအထူးဒေသ( lDP) စခန်းကျောင်းသား/သူများအား ကျောင်းဝတ်စုံ အဖြူ/ အစိမ်း( ၄၄၅)စုံ၊ ဗလာစာအုပ် ( ၄၄၅ ) ဒါဇင်နှင့် (covid-19) ကြိုတင်ကာကွယ်ရေး မြိုင်ကြီးငူစစ််‌ဘေးရှောင်စခန်း( ၂) ခုအတွက် ထုံးအိတ် (20)အိတ်၊ ဆပ်ပြာ (5218)တုံး၊ Mask (1500)ခု သွားရောက် ထောက်ပံ့ပေးအပ်ခဲ့ပါသည်။ (31-July-2020) Friday

ဘားအံ၊ ဇူလိုင်လ (၃၀)ရက် ကရင်ပြည်နယ်လွှတ်တော်၏ (၇/၂၀၂၀) လအတွက် ဆန္ဒဖော်ထုတ်ပွဲကို(၃၀.၇.၂၀၂၀)ရက်နေ့ ၊ (၁၅၀၀) နာရီအချိန်တွင် လွှတ်တော်ရုံး၌ ကျင်းပခဲ့ပါသည်။ အဆိုပါ ဆန္ဒဖော်ထုတ်ပွဲသို့ လွှတ်တော်ဥက္ကဋ္ဌ ဦးစောချစ်ခင်၊ ဒုတိယဥက္ကဋ္ဌဒေါ်နန်းသူဇာ၀င်း၊ လွှတ် တော်ရုံး ညွှန်ကြားရေးမှူးဒေါက်တာသက်ဇော်ဦးနှင့် ရုံးအဖွဲ့များ တက်ရောက်ခဲ့ကြပါသည်။ ဆက်လက်၍ လွှတ်တော်ဥက္ကဋ္ဌ၊ ဒုတိယဥက္ကဋ္ဌအမှာစကားပြောကြားခဲ့ရာ မိမိတို့သက်ဆိုင်ရာ ဌာနစုများအလိုက် ရုံးလုပ်ငန်းတာ၀န်များကို ကျေပွန်စွာ ဆောင်ရွက်ကြရန် လိုအပ်ပါကြောင်း ပြောကြားခဲ့ပါသည်။ထို့နောက် ရုံးအဖွဲ့များမှ အထွေထွေဆွေးနွေး တင်ပြခြင်းတို့အား ဆောင်ရွက်ခဲ့ကြပါသည်။ (30-July-2020) Thursday

ဘားအံ၊ ဇူလိုင်လ (၃၀)ရက် (၂၀၁၉-၂၀၂၀)ခု၊ ဘဏ္ဍာရေးနှစ် ကရင်ပြည်နယ်လွှတ်တော်ရုံး၏ငွေလုံးငွေရင်းရန်ပုံငွေဖြင့် ဆောင်ရွက်မည့် လွှတ်တော်ကိုယ်စားလှယ်နားနေဆောင်၊ ညွှန်ကြားရေးမှူးနေအိမ်နှင့် လွှတ်တော်ရုံး၀န်ထမ်းအိမ်ရာ ၀င်းလုပ်ငန်းများ ဆောင်ရွက်နေမှုနှင့် လွှတ်တော်၀န်ထမ်းအိမ်ရာ၀င်း ခြံစည်းရိုးကာရံ နေရာများအား ကရင်ပြည်နယ်လွှတ်တော် ဒုတိယဥက္ကဋ္ဌဒေါ်နန်းသူဇာ၀င်း၊ ဘဏ္ဍာငွေအရအသုံးဆိုင်ရာစိစစ်အကြံပြုရေးကော်မတီ၀င်များ၊ တိုင်းတော်ထူးကုမ္ပဏီအဖွဲ့နှင့် တာ၀န်ရှိသူများ ဇူလိုင်လ (၃၀)ရက်နေ့တွင် ကွင်းဆင်းကြည့်ရှု စစ်ဆေးခဲ့ပါသည်။ (30-July-2020) Thursday

ဘားအံ၊ ဇူလိုင်လ (၃၀)ရက် ၂၀၂၀ပြည့်နှစ်၊ ဇူလိုင်လ(၃၀)ရက်နေ့၊ နံနက်(၁၀၀၀)နာရီအချိန်တွင် ကရင်ပြည်နယ်လွှတ်တော်ရုံး၊ Minor Meeting Room၌ လုပ်ငန်းညှိနှိုင်းအစည်းအဝေးကို ကျင်းပပြုလုပ်ခဲ့ပါသည်။ အစည်းအဝေးတွင် ကရင်ပြည်နယ်လွှတ်တော်ဥက္ကဋ္ဌ ဦးစောချစ်ခင် အဖွင့်အမှာစကားပြောကြားပြီး၊ အစည်းအဝေးမှ တက်ရောက်လာသူများ အပြန်အလှန် ပြန်လည်ဆွေးနွေးခဲ့ကြပါသည်။ အစည်းအဝေးသို့ ပြည်နယ်လွှတ်တော်ဥက္ကဋ္ဌ၊ ဥပဒေလေ့လာသုံးသပ်ရေးအဖွဲ့နှင့် ဥပဒေပြုရေးဆိုင်ရာကော်မတီဝင်များနှင့် တာဝန်ရှိသူများတို့မှ အစည်း အဝေး တက်ရောက်ခဲ့ကြပါသည်။ (30-July-2020) Thursday

ဘားအံ၊ ဇူလိုင်လ (၃၀)ရက် ကရင်ပြည်နယ်လွှတ်တော်ကို တင်ပြတိုင်ကြားလာသော ပြည်သူတို့၏ တိုင်ကြားစာများနှင့် စပ်လျဉ်း၍ ညှိနှိုင်းအစည်းအဝေးအား (၃၀.၇. ၂၀၂၀)ရက်နေ့၊ နံနက် (၁၀၀၀)နာရီအချိန်တွင် တိုင်ကြားစာကော်မတီ၏ လွှတ်တော်ကိုယ်စားလှယ်များ၊ ကော်မတီအဖွဲ့၀င်များသည် လွှတ်တော်ရေးရာကော်မတီခန်းမ၌ ပြည်သူတို့တိုင်ကြားစာများနှင့်စပ်လျဉ်း၍ ညှိနှိုင်းအစည်းအဝေး ပြုလုပ်ခဲ့ပါသည်။ (30-July-2020) Thursday

ဘားအံ၊ ဇူလိုင်လ (၂၈)ရက် ကရင်ပြည်နယ်လွှတ်တော်ဥက္ကဋ္ဌ ဦးစောချစ်ခင်၊ လွှတ်တော်ရုံးညွှန်ကြားရေးမှူးဒေါက်တာသက်ဇော်ဦးနှင့် ဌာနဆိုင်ရာတာ၀န်ရှိသူများတို့သည် (၂၈.၇. ၂၀၂၀)ရက်နေ့တွင် လှိုင်းဘွဲမြို့နယ်၊ ကမော့လဲနှင့် တခွက်ဖိုး အုပ်စုများအတွင်းရှိ ပုံမှန်ဝင်ငွေမရှိသော အိမ်ထောင်စုများအား ထောက်ပံ့ငွေ သွားရောက်ပေးအပ်ခဲ့ပါသည်။ (28-July-2020) Tuesday

ဘားအံ၊ ဇူလိုင်လ (၂၈)ရက် ကရင်ပြည်နယ်လွှတ်တော်ကို တင်ပြတိုင်ကြားလာသော ပြည်သူတို့၏ တိုင်ကြားစာများနှင့် ပတ်သက်၍ ကြားနာခြင်းအစည်းအဝေးအား(၂၈.၇.၂၀၂၀)ရက်နေ့၊ နံနက်(၁၀၀၀)နာရီအချိန်တွင် တိုင်ကြားစာကော်မတီ၏ လွှတ်တော်ကိုယ်စားလှယ်များ၊ ကော်မတီအဖွဲ့၀င်များသည် လွှတ်တော်ရေးရာကော်မတီခန်းမ၌ ပြည်သူတို့၏ တိုင်ကြားစာများနှင့် ပတ်သက်၍ ကြားနာခြင်းအစည်းအဝေး ပြုလုပ်ခဲ့ပါသည်။ (28-July-2020) Tuesday

ဘားအံ၊ ဇူလိုင်လ (၂၈)ရက် ကရင်ပြည်နယ်လွှတ်တော်ကို တင်ပြတိုင်ကြားလာသော ပြည်သူတို့၏ တိုင်ကြားစာများနှင့် ပတ်သက်၍ ကြားနာခြင်းအစည်းအဝေးအား(၂၈.၇.၂၀၂၀)ရက်နေ့၊ နံနက်(၁၀၀၀)နာရီအချိန်တွင် တိုင်ကြားစာကော်မတီ၏ လွှတ်တော်ကိုယ်စားလှယ်များ၊ ကော်မတီအဖွဲ့၀င်များသည် လွှတ်တော်ရေးရာကော်မတီခန်းမ၌ ပြည်သူတို့၏ တိုင်ကြားစာများနှင့် ပတ်သက်၍ ကြားနာခြင်းအစည်းအဝေး ပြုလုပ်ခဲ့ပါသည်။ (28-July-2020) Tuesday

ဘားအံ၊ ဇူလိုင်လ (၂၇)ရက် ကရင်ပြည်နယ်လွှတ်တော်သို့ တင်ပြတိုင်ကြားလာသော ပြည်သူတို့၏တိုင်ကြားစာများနှင့် ပတ်သက်၍ ကွင်းဆင်းစစ်ဆေးခြင်းအား (၂၇.၇.၂၀၂၀)ရက်နေ့၊နံနက်(၀၇၀၀)နာရီအချိန် တိုင်ကြားစာကော်မတီမှ လွှတ်တော်ကိုယ်စားလှယ်များနှင့် ကော်မတီအဖွဲ့၀င်များသည် အချင်းဖြစ်ပွားရာနေရာဖြစ်သော မြ၀တီမြို့၊ အမှတ်(၄)ရပ်ကွက်ရှိ အချင်းဖြစ်မြေနေရာအား သွားရောက်၍ ကွင်းဆင်းစစ်ဆေးခဲ့ကြပါသည်။ (27-July-2020) Monday

ဘားအံ၊ ဇူလိုင်လ (၂၇)ရက် ကရင်ပြည်နယ်လွှတ်တော်ဥက္ကဋ္ဌ ဦးစောချစ်ခင်၊ပြည်နယ်ပအိုဝ့်တိုင်းရင်းသားရေးရာဝန်ကြီး ဦးခွန်မျိုးတင့်နှင့် ဌာနဆိုင်ရာတာ၀န်ရှိသူများတို့သည် (၂၇.၇.၂၀၂၀)ရက်နေ့တွင် လှိုင်းဘွဲမြို့နယ်၊ ပိုင်ကျုံမြို့အတွင်းရှိ ပုံမှန်ဝင်ငွေမရှိသော အိမ်ထောင်စုများအား ထောက်ပံ့ငွေပေးအပ်ပွဲ အခမ်း အနားကို နောင်မြလွဲကျေးရွာအုပ်စု၊ ကော့ဖမွတ်ကျေး ရွာအုပ်စုနှင့် ကော့နွဲ့ကျေးရွာအုပ်စုများသို့ သွားရောက်ပေးအပ်ခဲ့ပါသည် ။ထို့နောက် ကျေးရွာရွေးကောက်ပွဲ ကော်မရှင်အဖွဲ့ခွဲရုံး၌ မဲစာရင်းများ ကြေငြာထားခြင်းအားသွားရောက်ကြည့်ရှု့ခဲ့ပါသည်။ (27-July-2020) Monday