မေးမြန်းသူ – ဦးစောဝင်းထိန်၊ ဖာပွန်မြို့နယ်မဲဆန္ဒနယ်အမှတ်(၂)
မေးခွန်း – ဖာပွန်ခရိုင်၊ ကတိုင်တိတိုက်နယ်ဆေးရုံတွင်လစ်လပ်လျှက်ရှိသောလက်ထောက် ဆရာဝန်နေရာအား အမြန်ဆုံးပြန်လည်ခန့်ထားပေးရန်အစီအစဉ် ရှိ/မရှိ၊
ဖြေကြားသူ – ဦးဘိုဘိုဝေမောင်၊ ပြည်နယ်လူမှုရေးဝန်ကြီး
အဖြေ – အဆိုပါမေးခွန်းနှင့်စပ်လျဉ်း၍ ကျန်းမာရေးနှင့် အားကစား၊ကုသရေးဦးစီးဌာန၏ (၄-၆-၂၀၂၀)ရက်စွဲပါစာအမှတ်ဖြင့် ဖာပွန်ခရိုင်၊ ကတိုင်တိတိုက်နယ်ဆေးရုံတွင် လက်ထောက်ဆရာဝန်တာဝန်ခံကို မြဝတီခရိုင်၊ ဝေါလေတိုက်နယ်ဆေးရုံသို့ ပြောင်းရွှေ့တာဝန်ချထားခဲ့ပါသဖြင့် လစ်လပ်လျှက်ရှိသော ၎င်းနေရာတွင် တိုက်နယ်ဆရာဝန်တဦးခန့်ထားပေးနိုင်ပါရန် ကရင်ပြည်နယ်ကုသရေးဦးစီးဌာနမှ (၁၈-၈-၂၀၂၀)ရက်စွဲပါစာအမှတ်ဖြင့် ကုသရေးဦးစီးဌာန နေပြည်တော်သို့ တင်ပြ တောင်းခံထားပြီးဖြစ်ကြောင်း ဖြေကြားအပ်ပါသည်။